དེ་ རིང་ ཕྱི་ དྲོར་ ལྷོ་ ཕྱོགས་ སེ་ ར་ དགོན་ པའི་ གྲྭ་ རྫ་ སྐྱེས་ ཕུར་ བ་ ལགས་ ཀྱིས་ གནས་ ཚུལ་ མཁོ་ སྤྲོད་ བྱས་ པ་ ལྟར་ ན། ཁ་ སང་ ནམ་ སྨད་ ཆུ་ ཚོད་ ༣ ཡས་ མས་ ཤིག་ ལ། རྫ་ ཆུའི་ སེར་ ཤུལ་ དགོན་ པའི་ མཚན་ ཉིད་ གྲྭ་ ཚང་ གི་ གྲྭ་ བཙུན་ ༥༠ ལྷག་ གིས་ མི་ རིགས་ རང་ ཉིད་ ལ་ མི་ རིགས་ སྐད་ ཡིག་ རང་ དབང་ དགོས་ པའི་ སྐོར་ བཀོད་ པའི་ འཕྲེད་ དར་ སྣ་ ཚོགས་ འཕྱར་ བཞིན་ སེར་ ཤུལ་ རྫོང་ ཐོག་ ཏུ་ བསྐྱོད་ ཡོད་ པ་ དང་ ། དེ་ རིང་ ཞོགས་ པའི་ ཆུ་ ཚོད་ ༦ ཙམ་ ལ་ རྫ་ ཆུའི་ སེར་ ཤུལ་ དགོན་ པའི་ མཚན་ ཉིད་ གྲྭ་ ཚང་ གཙོ་ བྱས་ པའི་ གྲྭ་ བཙུན་ ༧༠༠ ཙམ་ ཡང་ སེར་ ཤུལ་ རྫོང་ ཐོག་ ཏུ་ བསྐྱོད་ ཡོད་ འདུག ཁོང་ ཅག་ དེ་ རིང་ ཉིན་ གུང་ ཙམ་ ལ་ རྫོང་ དང་ བར་ ཐག་ ཉེ་ སར་ འབྱོར་ སྐབས་ ཉེན་ རྟོག་ པས་ བཀག་ འགོག་ བྱས་ ཡོད་ འདུག་ ལ། གཞན་ རྫ་ ཆུའི་ འབུམ་ རྙིང་ སྡེ་ དགོན་ གཉིས་ ཀྱི་ སྐྱ་ སེར་ ༣༠༠ ལྷག་ འདུ་ འཛོམས་ ཀྱིས་ ང་ ཚོ་ ལ་ འདི་ ལྟ་ བའི་ མཐོང་ ཆུང་ བྱེད་ དོན་ མི་ འདུག ཅིའི་ ཕྱིར་ རང་ གི་ སྐད་ ཡིག་ གི་ བདག་ དབང་ རང་ ལ་ མེད་ པ་ རེད། ཅེས་ སྐད་ འབོད་ རྒྱག་ བཞིན་ རྫོང་ གི་ ཕྱོགས་ སུ་ བསྐྱོད་ ཡོད་ ཀྱང་ ། སྔར་ བཞིན་ ཉེན་ རྟོག་ པས་ བཀག་ འགོག་ བྱས་ འདུ་ཐེངས་ འདིར་ རྫ་ ཆུ་ ཁ་ བ་ ས་ ཁུལ་ གྱི་ དགོན་ གྲོང་ གཉིས་ ནས་ རྒྱ་ གཞུང་ ལ་ ངོ་ རྒོལ་ བྱེད་ དགོས་ པའི་ རྒྱུ་ མཚན་ གཙོ་ བོ། ཕྱི་ ལོ་ ༢༠༠༨ ཙམ་ ནས་ མགོ་ བརྩམས་ ཏེ་ རྫ་ ཆུ་ ཁ་ བའི་ ས་ ཁུལ་ ཡོངས་ ཀྱི་ བོད་ རིགས་ ཚོས་ རྒྱ་ སྐད་ བོད་ སྐད་ འདྲེས་ མའི་ ༼སྦྲགས་ སྐད༽ མི་ ཆོག གལ་ སྲིད་ བོད་ རིགས་ སུ་ འདྲ་ ཞིག་ གིས་ སྦྲགས་ སྐད་ བཤད་ པ་ ཡིན་ ན། དེ་ ལ་ སྒོར་ གཅིག་ རེ་ ཡི་ ཉེས་ ཆད་ གཅོད་ རྒྱུའི་ ལུགས་ སྲོལ་ དེ་ དར་ ཁྱབ་ ཕྱིན་ ཡོད་ པ་ དང་ ། རྫ་ ཆུའི་ སེར་ ཤུལ་ དགོན་ པའི་ གྲྭ་ བཙུན་ དག་ གིས་ ཀྱང་ ལས་ དོན་ དེའི་ ཕྱོགས་ ལ་ འབད་ བརྩོན་ ཤུགས་ ཆེན་ གནང་ པར་ བརྟེན། ཉེ་ ཆར་ སྤྱི་ ཟླ་ ༡༠ཚེས་ ༢༦ ཉིན་ དེ་ གའི་ རྫོང་ གི་ རྫོང་ དཔོན་ གཞོན་ པ་ ཀྲའོ་ ཤོ་ མེན་ ཟེར་ བའི་ བོད་ རིགས་ ཤིག་ དང་ ། ས་ གནས་ འཐབ་ ཕྱོགས་ གཅིག་ གྱུར་ ལས་ ཁུངས་ ཀྱི་ མགོ་ གཙོ་ གཞོན་ པ་ ཅིང་ ལཱོང་ ཟེར་ བའི་ བོད་ རིགས་ མཐོ་ རིམ་ ལས་ བྱེད་ སྐོར་ ཞིག་ སེར་ ཤུལ་ དགོན་ ཐོག་ ཏུ་ ཡོང་ སྟེ། སྦྲགས་ སྐད་ བཤད་ མཁན་ ཚོར་ ཆད་ པ་ གཅོད་ མི་ ཆོག་ ཅེས་ བཙན་ ཁ་ བཏང་ སྟེ། དགོན་ པའི་ ཚོང་ ཁང་ དང་ ཟ་ ཁང་ དག་ གི་ ནང་ དུ་ ཆད་ དངུལ་ བསྡུ་ སའི་ སྒམ་ ཆུང་ རེ་ བཞག་ ཡོད་ པ་ ཚང་ མ་ བཙན་ འཕྲོག་ གིས་ གཞུང་ བཞེས་ བཏང་ ཡོད་ འདུ་་དེའི་ རྗེས་ ནས་ སེར་ ཤུལ་ དགོན་ པའི་ དཔེ་ ཁྲིད་ དགེ་ རྒན་ སྐོར་ ཞིག་ རྫོང་ ཐོག་ ཏུ་ ཐེངས་ མང་ པོར་ ཕྱིན་ ཏེ། ང་ ཚོའི་ ལས་ རིགས་ འདི་ རྒྱལ་ ཁབ་ ཀྱི་ ཆབ་ སྲིད་ དང་ འབྲེལ་ བ་ གང་ ཡང་ མེད་ པ་ མ་ ཟད། བྱ་ འགུལ་ འདིའི་ སྣེ་ འཁྲིད་ མཁན་ ཡང་ མི་ དམངས་ རང་ ངོས་ ནས་ དང་ བླང་ བྱས་ པ་ ཞིག་ ཡིན་ ཞིང་ ། ངེད་ ཅག་ གི་ དམིགས་ ཡུལ་ ནི་ བོད་ སྐད་ ཡིག་ གི་ འཇིག་ ཉེན་ འདི་ སེམས་ ཀྱིས་ མ་ བཟོད་ པར་ བྱ་ བ་ འདི་ སྒྲུབ་ ཀྱི་ ཡོད། ཁྱེད་ ཅག་ བོད་ རིགས་ ལས་ བྱེད་ པ་ དག་ གིས་ དོན་ མེད་ དུ་ མི་ རིགས་ ཀྱི་ བླ་ བཙོང་ བའི་ ལས་ འདི་ འདྲ་ མ་ བྱེད་ རོགས། དེ་ ལྟར་ བྱས་ ན་ དགོས་ པ་ གང་ ཡང་ ཡོད་ པ་ མ་ རེད། ངེད་ ཅག་ གིས་ ཏང་ དང་ རྒྱལ་ ཁབ་ ཀྱི་ སྲིད་ ཇུས་ ལ་ འགལ་ བ་ ཞིག་ དང་ ཀུན་ སློང་ ངན་ པ་ གང་ ཡང་ མེད་ པས་ ཆད་ དངུལ་ བསྡུ་ སའི་ སྒམ་ ཆུང་ དག་ ཕྱིར་ སྤྲོད་ རོགས། ཞེས་ ཞུ་ བ་ ཇི་ ལྟར་ བྱས་ ཀྱང་ སྒམ་ ཆུང་ དེ་ དག་ ཕྱིར་ སྤྲད་ མེད་ སྟབས། ཐེངས་ འདིར་ རྫ་ ཆུ་ ཁ་ བའི་ དགོན་ གྲོང་ གཉིས་ ནས་ ངོ་ རྒོལ་ གྱི་ གོམ་ བགྲོད་ དེ་ བྱས་ ཡོད་ འདུག
གསར་ འགོད་ པ། དོན་ འགྲུབ་ བཀྲ་ ཤིས།
No comments:
Post a Comment